بعد العنب,, والبلح ... الان اغنية الجزر الجزر [الأرشيف]

مشاهدة النسخة كاملة : بعد العنب,, والبلح ... الان اغنية الجزر الجزر

YASSER7879

24-11-06, 08:58 PM

بعد ان شاهدنا وسمعنا فى الفترات الاخيرة بعض الروائع من الاغنيات الشعبية مثل العنب العنب .. والبلح البلح .... للمطرب الكبير سعد الصغير والفنان الاصيل ابراهيم بعرور

ظهرت اخيرا فى الاسواق اغنية جديدة بعنوان الجزر الجزر لمطرب او مطربة لانى لم استطع التمييز اذا كان مطرب او مطربة ..

الاغنية تبدا بجملة من الكورال جديدة ومبتكرة يقول فيها الكورال : أعو أعو اعوها
ثم تبدا المطربة او المطرب بالغناء بجملة : عنب ايه ,,, وبلح ايه .. الجزر الجزر الجزر

وسنجد موسيقى بين فواصل الاغنية سنجد هى نفسها موسيقى اغنية ليلة حب لام كلثوم ( قبل مقطع : لو كل حب فى كل قلب ) وواضح جدا ان عبد الوهاب سرق هذه الجملة اللحنية من حوالى 35 سنة..

المهم اعتقد ان هذه الاغنية ستثرى سوق الخضار ( اقصد السوق الغنائى ) لما لها من فائدة كبيرة خاصة لمحبى تربية الارانب

والان يمكنكم تحميل اغنية الجزر الجزر ( وبالهنا والشفا )

http://www.zshare.net/download/elgazar-wma.html

مجدي فتحي

24-11-06, 09:09 PM

YASSER7879

24-11-06, 09:15 PM

الله يرحم عنب بلدنا اللي كتبها عبد الرحمن الابنودي ولحنها بليغ حمدي وغنتها الفنانه شاديه من أكتر من 30 سنه...

وكانت تندرج تحت مسمى الأغنية الشعبيه

ولكن يبدو إن أحدآ نصب لنا فخآ فسقطنا في هاويه لامقام لنا منها ...بكل أسف

وأتصور أن الأزمه مش أزمة اذواق فقط بل هي رد فعل لأزمة أخلاق نعاني منها مؤخرآ

اغنيات الماضى الجميل التى تحدثت عن الفاكهة كانت تجعلنا نحب هذه الفاكهة فعلا وكانت ايامها الفاكهة لها طعم اخر

وكلنا نتذكر اغنية زفة البرتقال لشادية وهة تقول فى رقة ودلع : عم يا جناينى حلفتك بالامانة تدينى برتقانة
واغنية عنب بلدنا عبد الرحمن الاينودى كتبها ولها مغزى سياسى ( ان ماسمريت يا عنب بلدنا .. لاجرى واندهلك عيال بلدنا )

اما اغنيات فاكهة اليوم فهى تعبر بالفعل عن فاكهة اليوم الملوثة بالاشعاعات واتى جعلتنا لانفرق بين طعم البلح وطعم الخيار .. وطعم المشمش وطعم البدنجان !!

مجدي فتحي

24-11-06, 09:24 PM

انت لفتت النظر الى المغزى السياسي اللي كانت بتحمله طيات غنوة العنب...

طيب نعمل ايه دلوقتي في أغاني هابطة المحتوى والمعاني ولها مغزى......

بامارة غنوة ريكو ...اللي بيقول فيها

آه ياحمامتي؟؟؟!!!!!baaa2)

YASSER7879

24-11-06, 09:32 PM

ريكو وسعد الصغير ومحمد عطية اتلموا على بعض فى فيلم واحد ومتهيالى انسب حاجة كانت لهم فى الفيلم هى اغنية باحبك يا حمار ...

على فكرة موضوع اغنية عنب بلدنا عرفته من صديقى ابن شقيق عبد الرحمن الاينودى ومن والده جلال الاينودى ( رحمه الله ) وهو كان موجه لغة عربية فى الغردقة وكان شاعر كبير جدا ووجدت عنده فى البيت ابيات من الشعر بصوته على اجهزة الكاسيت بتاعة زمان اللى بها اسطوانة مثل قرص السمسمية .. وعرفت ان هناك بعض الاغنيات لعبد الرحمن الابنودى كتبها شقيقه اصلا

مجدي فتحي

24-11-06, 09:42 PM

المشكله واللهي مش فيهم ياياسر

المشكله في إن الفن الهابط...أو بلاش نطلق عليه (فن)...نقول (العك)لأن الفن المفروض يسمو بالناس ويرتقي بهم ...المشكله في إن العك اللي بيقدموه ليه أرضيه خصبه وجمهور بيتتبع خطواتهم من محطه لمحطه...وبيردد اللي بيقولوه وبيقلدهم...حتى شوفوا هستيرية الشباب اللي في فرقة سعد الصغير...شئ مقزز واللهي...هي دي المشكله

هما بشوفهم أنماط من الناس موجوده في حياتنا ...ولكن المصيبه إننا بدل مانحجمهم أصبحوا هما بيفرضوا علينا جوهم وبيئتهم ونمط حياتهم وأسلبوبهم وحركاتهم...وفي المقابل مفيش فن بحق وحقيقي يقاوم ده ويقف له...ويتحداه ويحجمه...أصبح كل الفن كده...وإحنا نهلل لهم ونطلق عليهم ...شباب روش

عمرو الجندى

24-11-06, 10:29 PM

يعنى فى البدايه شكرا يا ياسر عالأغنيه إللى مش هأحملها و لكن هأعلق عليها.
آه مش هأحملها لأنها بقت ناقصه جزر كمان.
الجزر و بعده هنلاقى خوخ و البطيخ و مش بعيد الكوسه.
اعتقد إنها سياسه لإلهاء الناس عما ينفعهم و جعلهم يتركوا السياسه.
المهم و بعد كده يقولوا الجمهور عاوز كده.
جمهور مين دول هما إللى عاوزين كده.
و اعتقد بكره نسمع النحار بيغنى للمنشار و الشاكوش و الحداد بيغنى للمطرقه .
و شكرا لكم.

waseef

25-11-06, 05:25 AM

صباح الفل للدكتور ياسر و الريس وعمووور وكل الأعضاء ..

مجرد الملف اللى انت تحصلت عليه يا دكتور حتى لو انت جايبه عشان توضح مدى ضعفه - وهو حاجة تقرف - دليل على صدق كلامى فى المناقشة اللى دارت حوالين فيلم عليا الطرب بالتلاتة اللى هو أسوأ مصنف فنى فى تاريخ البشر !

معناه ببساطة ان المنع أعجز من جناح بعوضة ..

مش بس الجزر الجزر .. ده فى أغانى أفظع بكتير ..

انت حبيت توضحلنا التردى ده ..

لكن اللى رفع الملف فاكر انه عمل حاجة كويسة وأكيد الأعضاء قالوله مشكوووووووووووور وقشطة يا برنس وحاجات من دى !!

وحتى من غير تقنية ووسائط زمان عدوية كان ممنوع وكل ما يتمنع ينتشر زيادة لحد ما شعبيته خلته يطلع فى الأفلام واعترف بيه كأمر واقع ..

كمان الجزر الجزر دى عبارة عن استغلال لنجاح العنب العنب اللى هى أصلا مش بتاعة سعد الصغير ده هو استغلها من اللى بيتغنى فى الأفراح الشعبية ..

يعنى المسألة فلوس ومكسب وطول عمرها كدة وف كل حاجة وهتفضل كدة ..

***

ومش معنى كدة ان أنا بدافع عن ده أو شايفه حاجة كويسة .. بالعكس دى حاجة تقرف لكن كل الفكرة ان العلاج الصح لازم يكون عن تشخيص صح ..

أخيرا ولدفع أى مظنة تناقض لكلامى لما قولت فى مكان تانى فين الرقابة على حاجات مماثلة كنت بتكلم عن تشويه أغانى الغير زى أم كلثوم أو أغنية أنغام اللى رديت عليها امبارح ، يعنى من منظور حفظ الحقوق والتراث مش من منظور رقابى ..

تحياتى ..

YASSER7879

25-11-06, 05:00 PM

على فكرة الجزر الجزر افضل جدا من العنب العنب من ناحية صوت الى بتغنيها او بيغنيها

ومن ناحية انها تقدم بعض المعلومات .. مثل الجزر فيه فيتامين واكله يقوى النظر ... واه ينفع مربى وعصير ومخلل وفى السلطة.. وبيخلى الواحد يصحصح وماينامش !!!!!!!!

هدى

26-11-06, 04:34 PM

والله يا اخ ياسر بقول لك مثل قديم بيقول يا ما تعيش كتير رح تسمع كتير ودا دليلا على لافن الهابط وجاري التحميل ولي عودة تاني

اسير الغرام

26-11-06, 06:51 PM

هذا وحد من الفناني دخل اسوق الخضره وسمع شخص يقول البلح البلح البيع و شخص يقول العنب العنب وخذوها غنيه

wa7ed keda

26-11-06, 07:14 PM

أنا قلبى ما يطاوعنيش أحمل الأغنية بجد .... أنا ممكن يجرالى حاجة فيها ...

احنا وصلنا لدرجة بشعة من هبوط الذوق العام ... أى حد بقى يقول أى حاجة فى أى حتة و أى وقت ...

بكرة نلاقى الفجل و الجرجير و هاتبقى سلاطة بقى ..

عمرو الجندى

27-11-06, 12:20 AM

ادهم 2010

19-12-06, 03:44 PM

الف شكر
يا ياشا

محمد سلطان

05-01-07, 03:03 PM

شكرآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآ

mrzorro_magic

06-01-07, 03:18 AM

الله ينور يا جماعه

دلوعة بابا

23-01-07, 03:38 PM

يا جماعه اعذروا المطربين اللى بيغنوا الاغانى دى لانهم مش قادرين يشتروا الفاكهه لان سعرها غالى دلوقتى فبيضطروا انهم يغنولها علشان الفكهانى يرأف بحالتهم ويدلهم الفاكهه ببلاش ..
ههههههههههههههههههههههه

ف-ف-السعودي

09-03-07, 06:21 PM

يعطيك العافية يا أخ ياسر على هالأغنية الجميلة
ونتطلع لأغاني باقي الفواكة والخضروات,,,,,,,,,
أخوك ف-ف-السعودي

sh_333

22-03-07, 01:07 AM

السلام عليكم ورحمة الله وبركاته

مؤمن الحوشى

31-03-07, 07:12 PM

تقبلوا خالص تحياتي
أخوكم~*¤ô§ô¤*~*¤ô§ô¤*~مؤمن الحوشى
~*¤ô§ô¤*~*¤ô§ô¤*~

قاسم عبدالله

28-07-07, 01:31 PM

كان نفسى تكون كليب الجزر مش الاغنيه صوت
على العموم شكرا كتير وياريت نشوف كليب الجزر

زعبلة

14-08-07, 01:28 AM

واللة وحشتنا شادية واغانيها 0012)

nonos

14-08-07, 01:50 PM

كان نفسى تكون كليب الجزر مش الاغنيه صوت
على العموم شكرا كتير وياريت نشوف كليب الجزر

ناويين تفتحوا سوق فاكهة وخضار هنا والا ايه ؟؟؟؟؟؟؟؟؟؟؟

nonos

14-08-07, 01:52 PM

واللة وحشتنا شادية واغانيها 0012)

وتوحشك الاغانى ليه يازعبلة افتح راديو الموقع واستمع لاغانى الحبيبة على مدار الساعة.
اللى وحشنا فعلا طلتها الجميلة ربنا يعطيها الصحة وطولة العمر يارب